30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Sukoon Bakhsh Aayaten | سکون بخش آیتیں
پہلے اسے پڑھیں
پہلے اسے پڑھیں
اللہ ربُّ العٰلمین کا کلام پاک اِس قدر دِل نشین اور رُوح پَرور ہے کہ اگرکوئی محبت و اَدب کا دامن تھامے ،دل جَمعی اور یکسُوئی کے ساتھ قرآنِ کریم کی تلاوت کرتے ہوئےاس کے ترجمے پر غور کر ےتو اللہ پاک کی رحمت سےاُس کے دِل کو بے حد سُکون ، چین اور قرار نصیب ہوتا ہے ۔ کلامِ پاک میں ایسی راحت ہے جیسی دنیا کی کسی شے میں نہیں ،ہمارا پیاراپیارا رب خود ارشاد فرماتا ہے : میری یاد میں’’دِلوں کا چین ‘‘ہے۔ اس مختصر رسالے میں چند ایسی آیات ِ مبارکہ پیش کی گئی ہیں جو اپنے معنیٰ و مفہو م کے اعتبار سے بڑی واضح اور دِلوں کو چُھو لینے والی ہیں۔ اِن آیاتِ کریمہ میں بالخصوص غمزدہ دِلوں کےلئے تسلّی ،بے قراروں کے لئے قرار ، پریشان حالوں کے لئے چین و سکون اور غم و اَلَم کے ماروں کےلئے راحت و شادمانی کا سامان ہے ۔شرط یہ ہے کہ اطمینان ِ قلب کے ساتھ پُرسکون ماحول میں اِن آیاتِ مبارکہ اور ان کے ترجمے کو ذہن و دماغ میں دُہرائیں اور غور کریں کہ اللہ پاک اپنے بندوں سے کِس قدر محبت اوراپنائیت کا اظہار فرمارہا ہے ،اِسی سے ملتے جُلتے موضوعات کی آیات کا انتخاب عرصے سے جاری تھا ۔ مفتیِ اہلِ سنّت مفتی محمد قاسم عطاری مُدَّظلہ العالی کا اِس طرح کا ایک ویڈیو کِلپ دیکھا تو ذہن بنا کہ اَب اِس کام کو مَنظرِ عام پر لایا جائے ۔ اللہ پا ک کی توفیق سے فی الحال چند آیاتِ مبارکہ پر مشتمل یہ رسالہ پیش کیا جارہاہے ، ان شاءاللہ الکریم یہ سلسلہ جاری رہے گا۔ اللہ پاک اسے ساری امت کے لئے فائدےمندبنائے اور میری ، میرے والدین ، اَساتذہ ٔ کرام اور پیرومرشد کی بے حساب مغفرت کا ذریعہ بنائے۔
اٰمین بِجاہِ خَاتَمِ النَّبِیّٖن صلّی اللہ علیهِ واٰلہٖ وسلّم
طالبِ غمِ مدینہ و بقیع و مغفرت
ابومحمد طاہر عطاری مَدَنی عفی عنہ
12 شعبان شریف 1447۔ 01 فروری 2026
کتاب کا موضوع
کتاب کا موضوع
- پہلے اسے پڑھیں
- سُکون بخش آیتیں
- دُرُود شریف کی فضیلت
- حافظوں پر تعجب ہے
- 20 مرتبہ دُہرایا
- لذّت ِ قرآن سےبے اختیار روتے
- کلامُ اللہ کی لذّت
- کانوں میں انگلیاں ڈال لیتے
- ای بندہ خدا سوچ ذرا!
- مبارک کتاب
- غم کی کیفیت پیدا کرنے کا طریقہ
- کبھی اس طرح بھی کیجئے
- کلامِ پاک کو چومنا کیسا؟
- قرآنی اَسرار و رُموز
- ظالم کے لئے تیر اور مظلو م کے لئے مَرہَم
- ٹوٹے دِلوں کو ڈھارس بندھانےو الی آیتِ کریمہ
- براہ ِکرم اِس آیت مبارکہ کے متعلق ٹھہرئیے، ذرا غور کیجئے!!!
- بے سہاروں ،دُکھ درد کے ماروں کےلئے خوشخبری
- کبھی محروم نہیں رہا
- جب ظالم کے ظلم سے تھک جائیں
- شیطان کُتّا ہے
- اللہ پاک کے حوالے
- رکھ مولیٰ تے آس
